Tidsbruk
15 minutt
Forslag til gjennomføring
- Læraren vel ut enkeltord, uttrykk eller frasar frå ein tekst som kan vere utfordrande for elevane å forstå.
- Læraren skriv ned orda i ei liste på venstre side av tavla. Klassen blir delt inn i små grupper, og resten av tavla blir delt inn i så mange kolonnar som det er grupper i klassen.
- Elevane skal samarbeide i gruppa for å finne ut kva orda betyr. Dei får tilgang til alle hjelpemiddel.
- Når elevane i gruppa har forstått eit ord, spring ein av dei fram til tavla, set ein strek over ordet i lista til venstre og skriv ned ordet i kolonnen til gruppa.
- Når det er sett strek over eit ord i lista, kan det ikkje brukast av ei anna gruppe.
- Elevane held fram heilt til alle orda i lista er streka over og skrivne inn i kolonnane.
- Læraren ber kvar gruppe om å omsetje og forklare orda dei har skrive inn i kolonnen, for resten av klassen. Dersom dei hugsar kva eit ord betyr, får dei eit poeng. Dersom dei har gløymt kva eit ord betyr, får dei eit minuspoeng.
- Læraren går gjennom alle orda, og gruppa med flest poeng vinn.