Tidsbruk
15 minutt
Forslag til gjennomføring
- Læraren organiserer klasserommet slik at elevane sit på stolar som dannar ein sirkel. Aktiviteten er todelt, først med éin stol for mykje, så med éin stol for lite.
- Læraren sit saman med elevane i sirkelen med den tomme stolen på den eine sida. Læraren snur seg mot eleven som sit på den andre sida, og seier ei setning på målspråket som inneheld eit adjektiv i komparativ eller superlativ, til dømes «Eg er eldre enn deg».
- Eleven reiser seg og set seg på den ledige stolen. Han/ho seier så ei setning som inneheld eit adjektiv som er bøygd i komparativ eller superlativ form, til ein av sidemennene.
- Prosessen gjentek seg til dei fleste (eller alle) har måtta flytte på seg.
- Læraren fjernar så to stolar, slik at han/ho må stå. Elevane sit.
- Læraren seier ei setning som inneheld eit adjektiv, til dømes «Eg er ein god venn» eller «Eg har blondt hår».
- Alle elevane som føler at påstanden gjeld dei, reiser seg og byter stol.
- Den som står igjen, sidan det er éin stol for lite, skal seie ei ny setning med eit anna adjektiv.