Tidsbruk
15 minutt
Forslag til gjennomføring
- Elevane jobbar i par.
- Læraren deler ut binders og ark med to sirklar som er delte inn i åtte «kakestykke». Elevane kan eventuelt lage sirklane sjølve.
- Kvart elevpar fyller ut dei to hjula, eitt med åtte verb i infinitiv og eitt med åtte personlege pronomen.
- Elevane snurrar lykkehjula og lagar ei setning som inneheld verbet og pronomenet som bindersane har landa på. Verbet skal bøyast i samsvar med pronomenet. Læraren bestemmer kva for ei tid verba skal bøyast i.
- Etter nokre rundar byter elevane hjul med ei anna gruppe.
- Læraren går rundt, høyrer på setningane og gir rettleiing etter behov. Aktiviteten er ferdig når læraren har vore innom alle gruppene.
Tilpassing
Denne aktiviteten kan òg gjerast med digitale lykkehjul, til dømes Wheel Decide.