LMUNOR40224 NOR402 Språk og språkdidaktikk (5-10) (Vår 2026)

Emnet er obligatorisk for studentar som vel norsk som

• masterfordjuping (150 studiepoeng) i Grunnskolelærarutdanning 5-10
• undervisningsfag (90 studiepoeng) i kombinasjon med Profesjonsretta pedagogikk som masterfordjuping i Grunnskolelærarutdanning 5-10

• Bestått praksisperiodar i 3. studieår
• Bestått minimum 150 studiepoeng frå 1.-3. studieår
• Bestått 60 studiepoeng frå masterfordjupningsfaget
• Bestått FoU-oppgåva i 3. studieår

8. semester (vår)

Emnet Språk og språkdidaktikk tar utgangspunkt i språkleg variasjon og mangfald i Noreg og gir innsikt i fleirspråklegheit og talemålsvariasjon på samfunnsnivå og på individnivå. Emnet bidrar med didaktiske og analytiske perspektiv på tema relatert til ulike typar språkleg mangfald i skule og samfunn, slik som fleirspråkleg språkutvikling, lokal dialektvariasjon, språkkontaktfenomen og minoritet/majoritet-perspektiv.

Emnet tematiserer fleirspråklegheit frå ulike kantar, og korleis ein kan legge til rette for undervisningsformer som reflekterer eit språkleg og kulturelt mangfald. Eit sentralt mål i emnet er å bevisstgjere studentane om korleis lærarens fagdidaktiske kunnskap og rolle i klasserommet er viktig for å kunne ta i bruk elevars språklege variasjon som eit gode i skolen. I lys av dette er det samtidig eit sentralt mål å gjere studentane gode til å analysere språklege strukturar og språklege haldningar, både i meir teoretiske perspektiv og meir direkte knytt til undervisningssituasjonar.

Kunnskap

Studenten

• har avansert kunnskap om norsk språk og grammatikk
• har inngåande kunnskap om fleirspråkleg språkutvikling og fleirspråklege praksisar
• har god kunnskap om kva det vil seie å undervise klasser med fleirspråklege elevar og korleis ein kan nytte fleirspråklegheit som ein ressurs
• har inngåande kunnskap om tilnærmingar til talemål i undervisningssamanheng i norsk skole, spesielt arbeid med lokal dialektvariasjon
• har god kunnskap om samisk og andre minoritetsspråk i Noreg og korleis læraren kan legge opp til undervisning om dette i skulen 


Ferdigheiter

Studenten

• kan gjere grundige analysar av språkleg datamateriale av ulike slag
• kan drøfte haldningar til språk og språkleg variasjon i lys av teoretiske perspektiv og undervisningsperspektiv
• kan gjere språklege og språkdidaktiske refleksjonar og vurderingar
• kan analysere og drøfte språklege strukturar i norsk i eit fleirspråkleg og/eller fleirdialektalt perspektiv


Generell kompetanse

Studenten

• er bevisst på korleis ein kan bruke språkleg variasjon som ein ressurs i klasserommet for å styrke elevanes språklege tryggleik og identitet
• kan reflektere over korleis fokus på språkstrukturar og språkhaldningar i undervisninga kan utvikle elevars bevisstheit om og interesse for språk
• kan bruke kunnskap om språkfagleg og språkdidaktisk forsking i eige forsknings- og utviklingsarbeid
• kan formidle kunnskap om talespråkleg variasjon og fleirspråklegheit med fagleg tyngd, og har kompetanse til å rettleie i allmenne og fagdidaktiske spørsmål om dette

Det vil bli lagt opp til varierte undervisningsformer:

• Forelesingar og seminar
• Praktiske oppgåver
• Diskusjon i grupper og i plenum
• Sjølvstudium og kollokviegrupper

Dei skriftlege arbeidskrava knytt til fagstoff i emnet (analyse av språkdata og abstrakt til eksamen) jobbar vi med som ein prosess, slik at fasar i arbeidet bl.a. kan inkludere nærlesing av fagstoff til eige bruk og formidling av fagstoff i grupper.

Det er fire veker praksis i 8. semester. Sjå nærmare informasjon i programplan for Grunnskolelærarutdanning 5-10 og Plan for praksis (5-10).

NOR402 har ansvar for praksisperioden.

1. Skriftleg oppgåve på 4-6 sider med analyse av språklege data (individuell oppgåve, målform: bokmål)
2. Abstrakt til eksamensforedraget (sjå Eksamen), inkludert førebuande gruppearbeid (individuell oppgåve, målform: bokmål eller nynorsk)
3. Obligatorisk deltaking i undervisninga. Minimum 80 % oppmøte
4. Deltaking på profesjonsdagar

Meir informasjon om arbeidskrava blir gitt ved semesterstart. Tema og opplegg for abstrakt/eksamensforedrag blir bestemt i samråd med faglærar.

Arbeidskrav blir vurdert til godkjent/ikkje-godkjent. Arbeidskrava må vere godkjende før studenten kan framstillast til eksamen.

Individuell munnleg eksamen i form av konferanseforedrag på ca. 20 minutt med påfølgjande høyring på inntil 10 minutt. Foredraget skal ta utgangspunkt i eit tema innanfor dei faglege rammene i emnet, godkjent av faglærar og utvikla av studenten sjølv gjennom semesteret. Både fagleg innhald og framføring blir vurdert. Konferanseforedraget er opent for medstudentar og andre tilhøyrarar, til dømes lærarar frå praksisfeltet. Til foredraget kan studenten ta med Powerpoint eller tilsvarande.

Karakterregel: A-F

Ved ikkje greidd eksamen kan kandidaten gjennomføre ny eksamen etter same tema ein gong.

Ved ønske om forbetring av karakter må kandidaten velje eit nytt tema i samråd med faglærar.